مصالح وخدمات السعودية

حصرياً طريقة السفر ودخول السعودية أثناء فترة حظر الطيران الدولى 2021 ,الخطوات والتكاليف

حصرياً طريقة السفر ودخول السعودية أثناء فترة حظر الطيران الدولى 2021 ,الخطوات والتكاليف أعلنت الهيئة العامة للطيران المدني السعودية عن تعديل موعد السماح للمواطنين السعوديين بالسفر إلى الخارج ورفع تعليق رحلات الطيران الدولي بشكل كامل, وأشارت في بيان لها إلى أن “فتح مطارات المملكة أمام الرحلات الدولية سيكون ابتداء من الساعة الواحدة من صباح يوم الاثنين الموافق 17 من شهر مايو المقبل”.

وجاء ذلك في خطاب عاجل وجهته الهيئة إلى جميع شركات الطيران العاملة بالمطارات السعودية، إذ “أشعرتهم بتغيير الموعد الذي كان مقررا سابقا وهو 31 مارس الحالي، إلى الموعد الجديد”. وأكدت الهيئة “ضرورة الالتزام بالضوابط والتعليمات اللازمة التي تضعها اللجنة المعنية باتخاذ الإجراءات الاحترازية اللازمة لمنع تفشي وباء كورونا في المملكة”.

وأشارت في بيانها، أنها “تستثني من تنفيذ قرار السماح بالسفر والعودة الدول التي تقرر اللجنة تعليق السفر إليها أو القدوم منها بسبب تفشي وباء كورونا المستجد بها”.

ولكن فى مقالنا اليوم هنتكلم عن طريقة السفر ودخول المملكة العربية السعودية أثناء فترة حظر الطيران الدولى 2021.

هنقسم الموضوع الى عدة نقاط علشان الناس تقدر تفهم وتستوعب الموضوع بسهولة, وهنقول كل الملاحظات اللى وصلتنا حتى الان من واقع تجارب حقيقية.

أول حاجه الاوراق المطلوبة:

  • جواز سفرك ويكون سارى الصلاحية بكل تأكيد.
  • هويتك أو إقامتك الخاصة بدولة السعودية.
  • تأشيرة الخروج والعودة الخاصة بالسعودية.
  • تأشيرة زيارة سارية بكل انواعها.
  • تأشيرة عمل ساريه فى حالة الدخول للمرة الاولى.
  • تأشيرة دخول وإقامة فى دولة الترانزيت اللى هى البحرين لمدة شهر أو مدة مناسبة لتغطية فترة الحجر الصحى داخل البحرين واللى هتكون مدتها ١٤ يوم ،ويفترض أن تصل إلى ١٦ يوم وهنوضح دلوقت ليه.
  • حجز طيران من مصر للبحرين على أى خطوط طيران.
  • حجز مؤقت فى أحد فنادق البحرين.
  • حجز طيران مؤكد من البحرين إلى المملكة العربية السعودية على خطوط طيران الخليج فقط.
  • فيزا مشتريات للدفع أونلاين.

تانى حاجة التكاليف:

  • حجز طيران مباشر من مصر إلى البحرين فى حدود 1300 ريال سعودى تقريباً.
  • تأشيرة دخول البحرين لمدة شهر وبتكون بحوالى 30 دينار بحرينى مشتملة التقديم عالتأشيرة وإصدارها.
  • حجز فندق داخل البحرين فى حدود 10 دينار لليلة أو حسب إختياراتك.
  • حوالى 40 دينار بحرينى او مايعادل 400 ريال سعودى لفحوصات pcr.
  • بالنسبه للاكل والشرب فا دى حاجه نسبيه حسب كل شخص.
  • حجز طيران مؤكد من البحرين إلى السعودية فى حدود 1200 ريال سعودى.

كده اتكلمنا عن الاوراق والتكاليف
هنشوف بقى مع بعض الخطوات اللى هنعملها وان شاء الله كلها سهله وبسيطه.

إقرأ أيضا:طريقة حجز تذكرة طيران إلى البحرين ,التكاليف والتفاصيل

تالت حاجة خطوات تجهيز الأوراق وحجز الطيران والفنادق وتحليل كورونا:

اول حاجه وانت بمصر هتحجز تذكرة طيران مباشره إلى دولة البحرين على أى شركة طيران من أى موقع حجز طيران, ولا حاجة لعمل تحليل pcr داخل مصر. لانك بمجرد وصولك دولة البحرين هتعمل تحليل كورونا وانت فى المطار. وحجز الطيران هيكون كالتالى…
طريقة حجز تذكرة طيران إلى البحرين

تانى حاجه هتدخل على موقع الحكومة الالكترونية للبحرين وتسجل بياناتك وتدفع الرسوم المقررة للحصول على فيزا مؤقته مدتها شهر. ودا هيكون كالتالى…

طريقة الحصول على تأشيرة البحرين

وبكده بقى معاك فيزا تقدر تدخل وتُقيم بيها فالبحرين فترة الحجر الصحى.

طيب فيه اللى هيقولى انا مش هعرف ادخل اعمل الفيزا دى من عالنت.
الموضوع بسيط . فى الحالة دى هتسافر مباشرة الى البحرين وعند الدخول هيتعملك تأشيرة مؤقتة لمدة أسبوعين وهتدفع قيمتها للجوازات كاش أو من فيزا المشتريات مسبقة الدفع اللى معاك تدفع بيها أونلاين ٥ دينار بحريني ويُفضل إنك تزود شوية إلى ١٦ يوم وفالغالب هتدفع ٢٥ دينار عند مغادرة البحرين نظرا لكسر مدة التاشيره،، لأنك وأنت داخل السعودية مش بيحسبوا اليوم اللي وصلت فيه البحرين، ولا اليوم اللي هتدخل فيه السعودية من ضمن الـ ١٤ يوم، بتبدأ تحسب من تاني يوم وصول، وتمشي بعدها بيوم، بشكل اسهل، هتغادر البحرين متجه الى السعودية في اليوم ال١٦. فا أنا الحقيقه انصح بالحصول على تأشيره سياحيه مدتها شهر.

إقرأ أيضا:طريقة الحصول على تأشيرة البحرين, الشروط والتكاليف ,شرح تفصيلى

وانت لسه فى مصر هتدخل على موقع booking او اى موقع حجز موثوق ، وتحجز فندق مثلا لمدة ١٦ يوم، وممكن تحجز كمان تاكسي ينقلك من مطار البحرين للفندق اللى انت هتقعد فيه. وحجز الفندق هيكون كالتالى….

طريقة حجز فندق داخل البحرين

طيب واحد هيقولى انا ليه حد قريبى او صديق فالبحرين او حتى هاخد سكن بسيط ومش عاوز اتكلف مصاريف حجز فندق
فالحاله دى لايوجد مشكلة لكن لازم تعمل حجز علشان تقدمه للمسؤولين فالمطار وبعد الدخول تقدر تلغيه لان الحجز بيكون بدون دفع مُسبق.

الخطوه اللى بعد كده هتحجز تذكرة طيران مباشره إلى دولة السعودية يكون تاريخها بعد انتهاء فترة الحجر الصحى داخل البحرين على طيران الخليج فقط والحجز هيكون كالتالى …

طريقة حجز طيران من البحرين إلى المملكة العربية السعودية

أخر حاجه وانت لسه فى مطار دولة المغادرة او المطارات المصريه هتدخل على تطبيق واعى البحرينى وتسجل بجواز سفرك وتحجز ٣ مسحات pcr بتكلفة حوالى ٣٦ دينار بحرينى.

حمل من هنا تطبيق واعى البحرينى

دلوقت جهزنا الاوراق والحجوزات المطلوبه هتبدأ رحلتك وتغادر مصر من أى مطار متجه للبحرين وفالغالب هيسألوك فالمطارات المصرية عن صورة حجز الفندق والاقامه السعوديه وتذكرة السفر.
وعند الوصول الى البحرين بسلامة الله هيشوفو التأشيره اللى معاك ولو مفيش فوضحنا خلاص نقدر ناخد تأشيره اذاى
هيطُلعوا أيضاً على الإقامه السعودية.

إقرأ أيضا:طريقة حجز طيران مباشر من البحرين إلى المملكة العربية السعودية

أول حاجه بالنسبه للناس اللى مش هتعرف تحجز الماسحات من خلال من خلال تطبيق واعى هتدفع قيمة تحاليل الب pcr الل ٣٦ دينار بحرينى وعددها ٣ تحاليل، هتعمل واحد في المطار عند الوصول، وواحد بعد ٥ أيام ،وواحد بعد ١٠ أيام من خلال تطبيق (واعي بحرين) والاخير ده بيبقى هو نفسه بتاع دخول السعودية في اليوم ١٦

-بعد انتهاء فترة الحجر الصحى هتغادر البحرين متجه الى المملكة العربية السعودية وان شاء الله توصلوا بالسلامة.
فيه حد هيقولى أن مكان عمله فالمنطقة الشرقية مثلاً وقريب من من منفذ البحرين ويقدر يدخل بتاكسى من خلال جسر الملك فهد ولا حاجة للطيران.
فالحالة دى لايوجد مشكلة من المرور براً إلى السعودية عبر الجسر بين الدولتين
ولكن لابد من وجود حجز طيران مؤكد مسبقاً وتقدر تلغيه قبل المغادره.

بعض الملاحظات الاخيره الواجب ذكرها

  1. -إذا كان موضوع دخول السعودية بالنسبالك مش مهم للدرجة القصوى فا أنا أنصح بالإنتظار إلى أن يتم رفع الحظر عن مصر او الدول المحظوره وعودة حركة رحلات الطيران الدولية مع المملكة إلى طبيعتها ودا لأن الموضوع هيكون مكلف مادياً على بعض الناس قد يصل الى ٥٠٠٠ ريال سعودى.
  2. -يمكن السفر ايضا عن طريق اى دوله اخرى كمحطة ترانزيت ذى عمان او كينيا وتقريبا هتكون الاجراءات متقاربه.
  3. -يمكن دخول اى نوع تأشيرة مثل الزيارات العائلية والاستقدام والتأشيرات الجديده للعمل الى دولة الترانزيت مثل البحرين وبعدها المرور الى المملكة العربيه السعوديه بعد انقضاء فترة العزل ال ١٤ يوم فى دولة الترانزيت ودا من واقع تجارب ناس كتيره تمت على خير وعبروا الى السعوديه.
  4. -بعض الناس من التجارب قالوا ان بعض المهن لايمكنها المرور من المطارات المصرية ويتم ارجاعهم.
  5. -بعض الاشخاص اللى مروا بالتجربه قالوا ان مش بيطلبوا الاطلاع على الاقامه السعوديه فى مطار البحرين لكن الافضل تكون معاك الاقامه او صوره منها.

لمشاهدة الشرح التفصيلى للطريقة شاهد الفيديو

السابق
طريقة الحصول على تأشيرة البحرين, الشروط والتكاليف ,شرح تفصيلى

اترك تعليقاً